భండారు శ్రీనివాసరావు తెలుగు బ్లాగుల వ్యాఖ్యలు

వీలుంటే ఇది కూడా చదవండి మీరింకా మర్యాదగా ట్రోల్ చేశారు. పేస్ బుక్ లో భయంకరంగా వుంటాయి. ఈ వయసులో కావాల్సింది మన శాంతి. బాగా రాశాడు అనే పొగడ్తలు కావు : " https://bhandarusrinivasarao.blogspot.com/2019/02/blog-post_17.html#google_vignette

అజ్ఞాత గారు 2015 లో ఎక్కడ వున్నారు : అప్పుడు కూడా అజ్ఞాతంలోనే వున్నారా! పారిస్ ఘటన సమయంలో రాసింది చదవలేదా! ఇప్పుడు చదవండి : " అయితే ఇవన్నీ షరా మామూలు ప్రకటనలుగా మిగిలిపోకూడదు. ఉగ్రవాదం ఒక దేశాన్ని బలహీన పరచడం తమకు రాజకీయంగా మంచిదే అని అనేక దేశాలు తలపోస్తూ వుండడం అంతగోప్యమేమీ కాదు. తమ ప్రత్యర్ధి దేశం ఉగ్రవాదపు కబంధ హస్తాలలో నలిగిపోవడం కొందరికి కొంత ఉపశమనం కలిగించవచ్చు. కానీ అది తాత్కాలికమే. పెంచి పోషించే ఉగ్రవాద భూతానికి కృతజ్ఞత ఉంటుందని ఆశించడం అత్యాశే అని అనేకదేశాల విషయంలో పలుమార్లు రుజువయింది. ఎందుకంటే ఉగ్రవాద ఉన్మాదులకు వివేచన పూజ్యం. వారికి తలకెక్కిన తలతిక్క మినహా మరేదీ తలకెక్కదు. నాశనం వినాశనం అనే రెండు పదాలే తప్ప వారికి శాంతి వచనాలు తెలవ్వు. చంపు, లేదా చచ్చిపో అనే రెండే రెండు వంటబట్టించుకున్న మరమనుషుల వంటి వాళ్ళు ఈ ఉగ్రవాదులు.
ఈ ఉగ్రవాదుల బలం అవతలి వాళ్ళలోని చావు భయం. చావు భయం లేకపోవడం వారికున్న మరో బలం.సంఖ్యాబలం రీత్యా చూస్తే అత్యంత బలహీనులయిన వీరు ఇంతగా రెచ్చిపోవడానికి ప్రధాన కారణం, వారిని ఎదురించాల్సిన శక్తులకు ఐకమత్యం లేకపోవడం.
ప్రపంచంలో ఎక్కడ ఉగ్రవాదులు జెడలు విదిల్చినా వీరందరూ గళం కలిపి చెప్పే మాట ఒక్కటే. ఉగ్రవాదాన్ని ఉక్కుపాదంతో అణచి వేస్తామని. కానీ కార్యాచరణ శూన్యం.
అధిక సంఖ్యలో వున్న మంచి వారి మౌనమే అల్పసంఖ్యలో వున్న ఉగ్రవాదుల బలం. కలిసికట్టుగా అందరూ కృషి చేస్తే ఉగ్రవాద భూతాన్ని ప్రపంచం నుంచి తరిమివేయడం అంత అసాధ్యమేమీ కాదు. కానీ ఈ విషయంలో ఎవరి ఆలోచనలు వారివి. ఎవరి స్వార్ధాలు వారివి.
వీటి నుంచి ప్రపంచ దేశాలు బయట పడనంత వరకు ఉగ్రవాదులు ఇలా తోకలు ఝాడిస్తూనే వుంటారు.
అదే జరుగుతోంది. అందులో మరో అంకమే పారిస్ ఘటనలు.
(14-11-2015)

కొత్తవి పాతవి గుదిగుచ్చి ఒకే శీర్షికతో ఒకచోట చేరుస్తున్నాను.

వర్తమాన రాజకీయాలు గురించి రాయనని, కాడి కింద పారేశాను అని బ్లాగు ముఖంగా ప్రకటించి, కొత్తవో, సరికొత్తవో, పాతవో, మరీ పాతవో నా సంగతులు నేనే రాసుకోవడం మొదలు పెట్టి చాలా కాలం అయింది. ఈ బిగ్ జీరోలో అలాంటివి అప్పుడప్పుడు ఏమైనా దొర్లినా అవి పాత విషయాలు. ట్రోలింగ్ కు ఆస్కారం లేని అంశాలు.