వెంకట రాజారావు . లక్కాకుల తెలుగు బ్లాగుల వ్యాఖ్యలు

బంగారు పేటంచు పట్టుపుట్టము గట్టి ,
రత్నాల హార సరాలు దొడిగి ,
మణికిరీట ప్రభామయ , మయూఖ రుచిర ,
దివ్యమంగళ రూపు తేజరిల్ల ,
వజ్రాలు పొదిగిన వడ్డాణము మెరయ ,
కాలి యందెలు ఘల్లు ఘల్లురనగ ,
పసుపు గంధపు పూతపై , కుంకుమంబద్ది
ఫాలభాగమ్ము శోభనము గూర్చ ,

లేచి , ననుజూచి , వచ్చి , పోలేరు తల్లి
బిడ్డడా ! రార , యని బిల్చు ప్రేమతోడ ,
బ్రమయొ , పిచ్చియొ గానిండు ,  ప్రతిదినంబు
అమ్మవాకిట జేరి ప్రణామ మిడగ .

శ్రధ్ధా , సబూరిలు చక్కగా పాటించ
             హితబోధ చేసిన హితు డితండు
రెండు రూపాయల దండి దక్షిణ గొని
             కష్టాలు బాపిన ఇష్ట సఖుడు
రోగార్తులను తాకి  రుజ బాధలను బాపి
            తాననుభవించిన త్యాగ శీలి
' సాయి ! కాపాడ  రారా  ' యన్న తక్షణ
            మాదుకొను కరుణామయు డితండు

సర్వ దేవతా సత్తాక సద్గురుండు
సాయి నాధుండు –  తమ మనసార కోరి
చరణములు తాకి తరియింత్రు సకల జనులు
శరణు శరణంచు వేడి   ప్రశాంతి బొంద .

ఏ మహితాత్ముని ధామమ్ము శాంతికి
చిరునామగా విలసిల్లు చుండు ?
ఏ మందిరము మహనీయమై తర తమ
భేదాలు లేక  శోభిల్లు చుండు ?
ఏ మూర్తిని స్పృశించి యిరవొంద నానంద
పారవశ్యము వీలు పడుచు నుండు ?
ఎచ్చోట దూరాలు , హెచ్చుబాటులు తగ్గి
అందరొక్కటి గాగ  నలరు చుంద్రు ?

ఏ యనఘు దర్శనముచేత హాయి గలుగు ?
కోర్కెలీరేడు  , కష్టాలు గూలి పడును
ఆతడే సాయి - జనులలో నమ్మక మిది
నమ్మకమె దైవమయి నిల్చు  , వమ్ము గాదు .

ఈ కామెంట్‌ను రచయిత తీసివేశారు.

వెంకయ్య స్వామి మా కిట
సంకటములు బాపు సత్య సంధుడు , జను లీ
వంకకు వచ్చి తరింతురు
శంకల కిట తావు లేదు జరుగును కోర్కెల్ .

రయమున ' ఓం నారాయణ '
నయమారగ పల్కు ' మాదినారాయణ ' వెం
కయ సామి మంత్ర మిది , ఆ
దయా మయుడు వెంట నిలిచి తరియించు సదా !

నిరతము పరమాత్మ జపము
పరి పరి సేయంగ మనసు పడు మధుబనిలోన్ ,
హరి హృదయస్థితుడగు , నం
తరములు తొలగును , ప్రశాంత తత్త్వము కల్గున్ .

మలి వయసున ' జీరో ' లా
అలసటతో బతుకు లీడ్చు , నంద రనుభవాల్
విలువైన తమవి బోలున ?
తలపగ హీరోయె మీరు , తప్పక సారూ !

కాశి సందర్శన ఘనత కనుల తోటి
కాంచి భక్తితో ముడివడ గంటి గాని ,
కాశి మాహాత్మ్య మెల్లెడ గాంచి , యనుభ
వించ గల్గుట గొప్ప , యూహించ మిమ్ము .

సీతారాముల పదములు
నా తలదాల్చి కొలుతున్ , ప్రణామము లిడుదున్
ఓ తండ్రీ ! నీవే నా
త్రాత వనుచు నమ్మినాను , దయగను రామా !

సాకేత సార్వభౌమా !
పాకారి వినుత రఘుకుల ప్రముఖా ! రామా !
శోకాలు బాపు శుభకర
ప్రాకట శ్రీహరి ! నమోస్తు 🙏 పావన నామా !

విశ్వమంత రామ విమల నామ జపము
చే పునీత మగుచు ప్రాపు గనెడు
రాముడు జనియించి భూమి భరత ఖండ
ఖ్యాతి జగతి యంత ఘనత వొందె .

శ్రీరామచంద్రమూర్తిని
నోరారా తలువు , మెంత నొవ్వు గలిగినన్
తీరుచు నా పరమాత్ముడు ,
పోరాడును నీ తరఫున పున్నెపు ప్రోవై .

పరమేశ్వర సంసేవిత !
వరదా ! శ్రీరామచంద్ర ! వర పరమాత్మా !
హరిహర రూప ! పరాత్పర !
మరి మరి ప్రార్థింతు 🙏 నిన్ను , మారుతి వినుతా !

శ్రీరామ బంటు , అంజని
గారాముల కూర్మి సుతుడు , ఘనుడున్ , జగతిన్
ఆరాధ్యుడు , మనకు సదా
హేరాళముగాగ రక్ష నిడుగాత ! సఖా !

తల్లి సీతమ్మ నీదు ' సాతత్య ' మడిగె
' బంటు రీతి ' కొలువడగె పవన సుతుడు
లక్ష్మణుడు నీదు ' పదసేవ ' లా వడిగెను
మాకు నీ ' యేలుబడి ' నిచ్చి , మనుపు రామ !

నభము వీడి సూర్య నారాయణుడు వచ్చె
రామ దర్శనాభిరాము డగుచు
నగరి వీడి రామ నారాయణుడు వచ్చె
అంజ లించి యినున కర్ఘ్య మిడగ

ఇరువురు నారాయణు లా
సరయూ తీరాన ప్రధమ సంధ్యా విధులన్
దరిసిరి , దర్శన భాగ్యపు
సిరు లొందెను జగతి , మురిసి చేతులు మొగిడెన్ .

రాముడె రారాజు భువికి ,
భూమిజయే తల్లి , పవన పుత్రుడె దిక్కై
క్షేమము పొందుదురు జనులు ,
' నామ ' జపమె రక్ష సేయు , ననగా వినమే !

తదాస్తు

రామా ! యిదేమి గోల ? వి
రామము లేదా ? మదిన్ చిరాకొదవెడు , నే
నేమయినన్ బాలుడనా ?
ఈ మాడ్కిన్ వెంట బడుచు నే (ర్పిం) డ్పింపంగాన్ .